هذه حياتى وحدى

ابشرك .. جاري وبالحال والفور---
--- اعدام نفسي / وش ابي .. في حياتي
ما عاد لي طاقة .. على الكذب والجور---
--- مات القهر حتى كسا .. أمنياتي
فيني كسور سنين وأيام .. وشهور---

--- صبري يقول / أبعد .. وكمل ذكاتي
الوضع صاير موت / والموت .. معذور---
--- وضعي " ضياع " وضايعه .. ذكرياتي
ما فيني اللي يقبل " علاج " دكتور---
--- ولا فيني اللي يحتوي .. آتياتي
كلي على بعضي .. تناهيد / مقهور---
--- قصة حياتي .. وش بقى .. ماهو آتي ؟!
هذا قليل .. ولا انذكر كود / محصور---
--- بين اللسان .. وبين دمع_ن / يحاتي
متى على الله .. " تشرق الشمس " بالنور ؟!---
--- متى يصير الكل .. يشهد سواتي ؟.
يمكن يكون الحل .. في ضمة صدور !!---
--- أو كلمة " احبك " تجمع .. شتاتي
بس النهاية / بيت .. قلته بلا شور---
--- يرسم معاناتي / ويكتب .. وفاتي
المعذرة ي " الغالية " ... صدق مكسور---
--- زادت علي اليوم / ثورة زراتي
مانيب متصنع .. ولا ألف / وآدور---
--- " هذي حياتي " .. ترجمتها جهاتي
بس الأكيد اللي ملا قلبي / شعور ---
--- اني بدون " احساس " عايش حياتي ....؟!